Cultura pide información de los conciertos de la OSPA y "adoptará decisiones" necesaries

El PP pide'l cese darréu de la xerente de la OSPA, Ana Mateo

La conseyera de Cultura, Vanessa Gutiérrez, pidió "toa triba de documentación" sobre la participación de la Orquesta Sinfónica d’Asturies (OSPA) en dellos conciertos entamaos por promotores privaos col envís de "tener constancia de los fechos" y "adoptar les decisiones qu’haya qu’adoptar".

Asina lo solliñó esti martes nel plenu de la Xunta Xeneral en rempuesta a una entruga fecha pol diputáu del PP José Luis Costillas, qu’esixó’l cese darréu de la so xerente, Ana Mateo, por esti motivu.

El parllamentariu alvirtió de que la OSPA "foi de xira" con un empresariu pa dar conciertos en Xixón y Madrid y grabó un discu "baxo la llicencia d’una productora privada", "ensin tramitar nengún espediente alministrativu y ensin qu’haya nengún informe".